شپږمه برخه: د خطرونو اولویت بندي او درجه بندي  (Risk Prioritization and Risk Ranking)

موخې

د دې برخی په پای ته رسولو سره به ګډونوال و توانیږی تر څو:

•        د خطرونو ارزونې وروسته د لومړیتوب او درجه بندۍ اهمیت درک کړي؛

•        د خطر د شدت بصری ارزونی لپاره د احتمال – اغیزو جدول(Probability-Impact Matrix)  یا میټریک وکاروئ؛ خطرونه به په مؤثر توګه دسته‌بندي کړي، ترڅو منظمې څارنې ته زمینه برابره شي؛

•        د نمرې ورکولو تخنیکونه به د پرېکړو د لارښود لپاره تطبیق کړي؛

•        د لومړیتوب پر بنسټ، تر ټولو جدي خطرونو ته سرچینې په پام کې ونیسي؛ او

•        باخبره، منظمې پرېکړې وکړي، ترڅو د خطر د کمولو هڅې مؤثرې تمامې شي.

۱. د خطر اولویت بندي څه ده؟

د خطر اولویت بندي هغه بهیر دی چې پکې خطرونه د دوی د احتمال او اغېزېو پر بنسټ درجه‌ بندي کېږي، ترڅو تر ټولو جدي یا عاجل ګواښونه لومړی وڅېړل شي، یو ځل چې خطرونه د  کیفي یا کمې میتودونو له لارې وارزول شي، اولویت بندي دا ارزونه په عملي تمرکز بدلوي.

دا ګام له ادارو سره مرسته کوي، ترڅو:

•       د ټیټ لومړیتوب لرونکو خطرونو لپاره د منابعو د ضایع کېدو مخه ونیسي

•       دا یقیني کړي چې جدي ګواښونه له پېښېدو مخکې مدیریت شي

•       د منابعو د محدودیتونو ترچتر لاندې مهمې ستراتیژیکې پرېکړې وکړي 

۲. د احتمال او اغېزې جدول Probability-Impact Matrix

Probability-Impact Matrix چې کله کله د Risk Matrix یا Heat Map په نوم هم یادېږي، د خطر د اولویت بندي له تر ټولو عامو وسایلو څخه دی، دا جدول د خطرونو د پېښېدلو احتمال او د اغېزې شدت د نمبرو له لارې د لیدو وړ کوي او درجه‌بندي یې راښيي.