اتمه برخه: د خطر مدیریت پلان جوړول (Developing Risk Management Plans)  

موخې

د دې برخی په پای ته رسولو سره به ګډونوال و توانیږی تر څو:

•       د خطر مدیریت د یوه جامع پلان (Risk Management Plan) – اساسي برخې وپېژني؛

•       خطرونه په مؤثر ډول د خطر ثبت‌پاڼې (Risk Register) –  له لارې مستند کړي؛

•       د خطرونو لپاره واضح مسؤلیتونه وټاکي، ترڅو حساب‌ورکونه یقیني شي؛

•       د پروژې د مهال‌وېش سره سم د خطر څارنې مهال‌وېش جوړ کړي؛

•       خطر ارزونې عملي، جوړښت‌لرونکو کړنېو ته واړوي؛ او

•       د خطر پلانونه د ورځنیو فعالیتونو سره مدغم کړي، ترڅو مقاومت او چمتووالی لوړ شي.

۱.  د خطر د مدیریت پلان څه دی؟

د خطر د مدیریت پلان (Risk Management Plan) یو بنسټیز سند دی چې موږ ته لارښوونه کوي، ترڅو یوه پروژه یا اداره خطرونه پېژني، وارزوي، ځواب ورکړي، او وڅاري. دا پلان د خطر د مدیریت لپاره عمومي تګلاره، مسؤلیتونه، وسایل، او مهال‌وېشونه تعریفوي، ترڅو کارونه منظمه او هم‌غږې پرمخ ولاړه شي. دا پلان دا یقیني کوي چې د خطرونو په اړه پرېکړې تصادفي نه، بلکې د یوې ټاکلې پروسې له مخې وشي.

د خطر د مدیریت په پلان کې معمولا دا موارد شامل وي:

•       د پروژې یا فعالیت عمده خطرونه؛

•       څوک مسؤل دي چې هر خطر مدیریت کړي؟

•       دا خطرونه څنګه او کله څارل کېږي؟

•       که خطر واقع شي، څه کړنې ترسره کېږي؟

دا پلان د خطرونو د مخنیوي لپاره لارښود دی، او دا یقیني کوي چې اړوند کسان د احتمالي ګواښونو په اړه خبر دي او د ځواب لپاره یې هم چمتو دي.

د خطر مدیریت یو ښه پلان باید:

•       روښانه او د کاروونکو لپاره ساده وي؛

•       په منظم ډول اپدیت کېدونکی وي؛ او

•       د ټیم له ټولو غړو او شریکانو سره شریک شوی وي.