د خطر مدیریت اتمه برخه دریم درس

۳.  د خطر مسؤلیت ټاکل  (Assigning Risk Ownership)

هر مهم خطر باید یو مشخص کس یا ټیم ولري چې د څارنې او مدیریت مسؤلیت یې واخلي. دې ته د خطر مسؤل یا Risk Owner ویل کېږي.

د Risk Owner (د خطر مسؤل) مسؤلیتونه:

·       د خطر څارل او د وضعیت راپور ورکول؛

·       د کمولو کړنې پلي کول؛

·        Risk Register (د خطر ثبت‌پاڼه) اپدیت کول؛ او

·       له نورو اړوندو څانګو سره همغږي کول (که اړتیا وي).

بېلګه:
د نغدي مرستې په یوه پروژه کې، د مالي مدیر “په نغدي وېش کې د درغلۍ” د خطر لپاره د Risk Owner (د خطر مسؤل) په توګه ټاکل شوی. دا کس مسؤلیت لري، چې:

·       د مستحقینو د تائید سیستمونه کنټرول کړي؛

·       د مالي څارنې تدابیر تطبیق کړي؛ او

·       د خطر وضعیت په اړه مشرتابه ته راپور ورکړي.

د مسؤلیت ټاکنه حساب‌ورکونه یقیني کوي او مخه یې نیسي چې خطرونه له پامه وغورځي.

منبع:  د PMBOK® Guide (7th Edition) وړاندیز کوي چې د هر خطر لپاره باید یو تن د بشپړ مسؤلیت خاوند وي، ترڅو مؤثر څارنه او درملنه وشي.

4.  د خطر د څارنې مهال ‌وېش جوړول

(Risk Management Plan) د خطر مدیریت پلان باید تعریف کړي چې هر خطر څومره وارې څارل شوی او څوک پکې ګډون وکړي. دا تکرار د خطر د لومړیتوب له مخې مشخصېږي:

د څارنې مهال ‌وېش اجزاء:

·        Frequency (مکرارا): د خطر سطحې پر بنسټ

·        Method (طریقه): میتودونه لکه د ساحې لیدنې، د ټیم ناستې، داشبورډونه، راپورونه

·       Participants (ګډونوال):  د خطر مسؤل، د پروژې مدیر، اړوند کارکوونکي

·        Indicators (نښې نښانې): کوم Early Warning Indicators (د مخکې له مخکې خبرداري نښې) به وڅارل شي؟

بېلګه:
په یوه پروژه کې چې د لوړ امنیتي خطر سره مخ ده، هره اوونۍ د لوجستیک او امنیت ټیم سره د خطر غونډې جوړېږي. هغه  نښې نښانې چې څارل کېږي (د سړکونو بندښت، د ټولنې فشار، یا د تاوتریخوالي اوازې).

له نورو بیاکتنو سره مدغمول:
Risk Reviews  (د خطر ارزونې ناستې) دا وختونه هم رانغاړي:

·       د پروژې میاشتني راپورونه

·       د تمویل‌کوونکو درې ‌میاشتني راپورونه

·       کلني اډیټونه

۵.  د خطر پلانونه د پروژې له تطبیق سره نښلول

Risk Management Plan (د خطر مدیریت پلان) هغه وخت مؤثر دی چې په عملي توګه د پروژې په ټولو مرحلو کې وکارول شي. د دې مدغمول د پروژې په هر پړاو کې دا یقیني کوي چې خطرونه دوامداره څارل او مدیریت کېږي:

بېلګه:
په بلخ کې د WASH یوې پروژې مخکې له وېش نه  د خطر مدیریت لپاره پلان جوړ کړ. کله چې د تطبیق پر مهال ناڅاپي سېلاب راغی، ټیم سم لاسي Risk Register (د خطر ثبت‌پاڼه) ته مراجعه وکړه او د Contingency Plan (اضطراري بډایه پلان) یې فعال کړ. دا چمتو پلان د شتمنیو له ضایع کېدو او د پروژې له ځنډ څخه مخنیوی کوي.

۶. عامې تېروتنې او د مخنیوي لارې

حتی ښه جوړ شوي Risk Management Plans (د خطر مدیریت پلانونه) هم ناکامه کېدای شي که ځینې عامې تېروتنې ونه ارزول شي. دا عموماً کمزورې څارنه، مبهم تعریفونو، یا د پروژې له نورو سیسټمونو سره د ضعیفې همغږۍ له امله وي. لاندې جدول د عامو ستونزو او د حل لپاره عملي ستراتیژۍ ښيي: