اوومه برخه: د خطر ځوابي ستراتیژۍ  (4Ts)

موخې

د دې برخی په پای ته رسولو سره به ګډونوال و توانیږی تر څو:

•       د خطر د ځواب ورکولو څلور اصلي ستراتیژۍ وپېژنئ: مخنیوی  (Avoid)، کمول  (Treat)، انتقال  (Transfer)، او منل  (Tolerate) – (4Ts)

•        د خطر د نوعیت او شدت پر بنسټ تر ټولو مناسبه ستراتیژي انتخاب کړي

•        د سازمان له شرایطو سره سم عملي او هدف‌مند ځوابونه طرحه کړي

•        د ښه پلان شویو ستراتیژیو له لارې د خطر احتمال یا اغېزې کم کړي

•        د واقعي مثالونو له لارې د هر ډول ځواب عملي پلي کولو ته لاره ومومي

•        دا یقیني کړي چې د خطر ځوابونه د منابعو د مؤثر او مؤجزې استفاده سره مرسته کوي

۱. د خطر د ځواب ورکولو د 4Ts  پېژندنه

کله چې خطرونه وپیژندل، و ارزول او لومړیتوب یې وټاکل شو، نو سازمانونه باید پرېکړه وکړي چې له خطر سره څنګه چلند وکړي. د خطر د ځواب ورکولو لپاره څلور معیاري ستراتیژۍ شتون لري چې د 4Ts  په نوم پېژندل کېږي:

1. T1 – Terminate خطر ته د پای ټکی ایښودل / مخنیوی
2. T2 – Treat خطر ته درملنه / کمول
3. T3 – Transfer خطر انتقالول بل لوري ته
4. T4 – Tolerate خطر منل د زغملو د توان په حد کې

هره یوه له دې ستراتیژیو نه یوازې جلا، بلکې د اړتیا پر بنسټ یو ځای هم کارېدلی شي.

2. T1 – د خطر مخنیوی / ختمول (Risk Avoidance / Termination)

Avoidance معنا دا چې هغه فعالیت یا حالت چې خطر رامنځته کوي، باید په بشپړ ډول له منځه یووړل شي. که خطر ډېر جدي او د منلو وړ نه وي، یوازینی مناسب ځواب به دا وي چې دا فعالیت ودروي یا یی له اوله پیل نه‌کړي.

کله باید وکارول شي؟

•       خطر جدي یا ناورین دی

•       د کمولو لپاره هیڅ معقوله لاره نشته

•        فعالیت اختیاري دی یا بیا طرحه کېدای شي

دا باید څنګه وکارول شي؟

•       د فعالیت یا موقعیت ضرورت بیا وارزوئ؛

•       د بدیلو تطبیقي لارو په اړه غور وکړئ؛

•       د خطر د ارزونې له مخې، د فعالیت د مخنیوي توجیه مستند کړي؛

•        پرېکړه په واضح ډول له تمویل کوونکو او شریکانو سره شریکه کړئ؛ او

•       د خطر ثبت‌پاڼه (Risk Register) او د پروژې پلان له  پریکړو سره مطابق اپډت کړی.

بېلګه:
یوه اداره پلان لري چې ګرځنده روغتیايي ټیمونه یوې داسې ولسوالۍ ته واستوي چې هلته د وسله‌والو نښتو کچه لوړه ده. د خطر تفصیلي ارزونه ښيي چې د کارکوونکو ژوند ته جدي خطر متوجه دی او د خوندي ترانسپورت کومه لاره نه‌شته. ټیم دا فعالیت ختم کړ او پر ځای یې د ګاونډیو امنو ولسوالیو ثابتو کلینیکونو څخه ملاتړ برابر کړ.

نکتې:

•       د مسؤلیتونو د کمښت او د ژوند ژغورنې سبب کېدای شي

•        خو کېدای شي د پروژې پوښښ یا اغېزې محدود کړي

•        پیاوړې توجیه او د تمویل کوونکو سره شفافې اړیکې ته اړتیا لري